M3P Dalam Kenangan

M3P dalang kenangang,
Ingak lagi sampai leni,
Seme temang hok duduk bekawang,
Memang dok lupuk dari ati ni.

Tadi baghu dapak telipung dari deq atie,
Recall pulok cerite lame,
Memang ingat sokmo sampai ke mati,
Dok akang lupe selame-lame.

Rupanye dulu banyok cerite hok jjadi,
Tapi leni tok brape nok ingak sangak,
Bila member sebut gitu gini tadi,
Ooooo barulah aku teringak.

Guane mung orang seme pulok,
Dok kang doh lupe kesoh-kesoh cinte,
Bile kawang ingak rase nok tegelok,
Masa mude dulu bukang maing berasmaredane.

Hok mane jadi jodoh panjang,
Tahniah lah ke deme seme,
Tapi ade juge hok putuh tengoh jalang,
Nok wak guane Tuhang punye kuase.

Masing-masing dulu kuruh kering,
Yela mase tu bujang trang tang tang,
Tengok leni aduh ye ke deme ning,
Macang dok ccaye sebak doh kembang.

Deq Da tu asyik kabo pasa dayek je,
Kalu doh kuruh pos la gambonye,
Kalu doh ade bukti kak nok ikuk juge,
Manelah tau buleh kok seling balik macang anok dare.

Wei adik, abang, kakok, sedara sedari,
Marilah ator brite kerak sikit kat blog ni,
Bukang ape bulehlah lepas rindu di ati,
Sebak nok jupe reunieng pung lambak lagi.

Eh Brie mana deme ning,
Senyak je dua tiga ari ni matikang diri,
Dok acilah mung buak lagu ning,
Kawang pulok hok banyok tuleh macang tok sedo diri.

Kawang begheti sampai ssini dululah,
Ade mase kawang sambung lagi,
Jangang deme jemu baca sudohlah,
Kalu ator brite tu ator gambo sekali.

...che tun